പദനിസ്വനം

പദനിസ്വനം 

കൊഴിഞ്ഞിടുന്നു ആയുസ്സിൻ ഇലകൾ ദിനവും 
മറന്നിടുന്നു ചെയ്തികൾ ഓരോന്നും 
നിലചിടുന്നു കിളികൾ തൻ ഗാനവും
എന്നിട്ടും നിൻ മിഴികൾ മാത്രം തോരാത്തതെന്തേ

ഓമനിച്ചിടാനെന്തേ നീ വന്നില്ല
കാത്തിരുന്നതെന്തേ നീ ഓർത്തില്ലാ
നിന്നിലേക്ക്‌ പകർന്നോരെൻ
സ്നേഹമെന്തിനു നീയിന്നു തട്ടിയെറിഞ്ഞു

കനലുപോൽ നീറുന്ന മനസ്സിന്റെ നൊമ്പരം
എന്തിനു നീയിന്നു ചിരിയിലൊളിപ്പിച്ചു
നീ തന്ന വേദന പ്രിയമെന്നു ചൊന്നാലും
മുറിവേറ്റെൻ ഇടനെഞ്ചു ഒരുവേള പിടഞ്ഞിടും

ഓർമ്മകൾ ഓളങ്ങളായി അലയടിക്കുമ്പോൾ
ഏത് മാളത്തിൽ പോയൊളിച്ചിടും ഞാൻ
പറയാതെയെങ്കിലും തേടുന്നു ഞാൻ നിന്റെ
പദനിസ്വനമെങ്കിലുമൊന്നു കേൾക്കാൻ.....